Jazz e lei seca: adaptación e cambio

Nos anos da prohibición, da lei seca, nos EUA non estaba permitido consumir nin, por suposto, vender alcohol. Os  negocios negros e os night-club clandestinos floreceron por doquier: non tanto polo instinto da xente de ir contra as normas (idea común), senón porque eran os únicos lugares onde se podía beber: as licorerías estaban cerradas.

Unha vez F. Delano Rooselvelt levantou a prohibición (por imposible de cumplir, pola mafia xeralizada que acentuaba, etc) os night-club e bares onde beber legalizaronse e empezáronse a abrir de novo as licorerías. A partir deste momento é posible consumir e comprar alcohol, e a oferta de lugares onde obtelo é maior que a demanda do mesmo.

Pódese agora comprar alcohol nas tendas de xeito máis barato, e non tódolos night-club conseguen sobrevivir coa simple presencia. É necesario adaptarse ós novos tempos e redefini-lo negocio. Innovar. Xa non basta con existir, senón que se precisa ofrecer un servicio, un incentivo para que a xente acuda ó night-club.

Así ocorre que, en breve e gracias ó levantamento da prohibición, as orquestas, a música en directo, o teatro e as variedades estiveron máis demandadas ca nunca polos empresarios dos night-club. E o jazz comeza unha expansión imparable por toda Norteamérica.

O caso exposto é puro darwinismo empresarial. Deberiamos aprender algo desta lección da Historia.


Posted

in

, ,

by

Tags:

Comments

2 responses to “Jazz e lei seca: adaptación e cambio”

  1. alfonso pardo Avatar
    alfonso pardo

    O conto é ben bonito,como tamén o é o seu blog.Pero as conclusións sonche ben complicadas.Hai moitos modelos regulatorios.A Espana dos anos 60(liberdade alcohólica),a Espana do 2006,Finlandia,Inglaterra.Hai sempre unha realidade moi complexa.E o darwinismo empresarial o que normalmente fai é garantir a vida do empresario máis aproveitado,non do que xera unha maior riqueza social,no caso polo menos de Europa do sur.

  2. Andrés Avatar

    Co caso exposto só quería amosar un exemplo de cómo a sociedade está en constante cambio. Que nesta situación de cambio continuo temos que estar preparados para o mesmo: innovar non é outra cousa que iso, prepararse ou re-adaptarse. Estar en movemento para que o cambio nos colla correndo.
    O tema do darwinismo… eu creo que está mal entendido. Fíxate: o que defende Darwin é que os máis adaptados ó medio sobrevivirán, e para poder sobrevivir o que debe primar é a diversidade (para ter moitas opcións) e o mestizaxe, a promiscuidade. Darwin fai apoloxía dos mutantes! Os x-men están máis preparados para sobrevivir que o discurso da pureza da raza e toda esa merda que algúns viron en Darwin en Nietzsche. Darwin está malentendido.

Leave a Reply

Your email address will not be published. Required fields are marked *

%d bloggers like this: