Nas redes 5 son os ámbitos de análise: organizativo, tecnolóxico, doctrinal, social e narrativo. E a pesar do que poida parecer, os 2 últimos teñen moita importancia pois crean a estrutura sobre os que descansa a rede mesma: a identidade.
A narración consiste na historia compartida polos nodos da rede, polas persoas que a conforman: é a historia común coa que se lexitiman as accións.
Unha vez dito esto podemos botar unha ollada atrás e observa-las similitudes entre os movementos cidadás Hai que Botalos! e Otpor! no ámbito narrativo, un dos aspectos nos que máis destacan.
Ambos movementos aspiraban ó derrocamento pacífico do máximo mandatario (Fraga e Milosevic). Ambos tamén, descansaron a súa forza na potencia narrativa, en cómo conseguiron cohesionar a diversos axente nun obxectivo común.
Hai que botalos! realiza unha serie de cortometraxes (proxectadas por todaGalicia) co obxectivo de mina-lo consenso xerado na era Fraga: que estabamos na mellor situación posible. E reforza a confianza de que o tempo é chegado facendo partícipe da situación a cada nodo da rede, minimizando o poder do mandatario a través de pequenas burlas (un dos sms que circulaba: “Por unha xubilación digna. Non á explotación da terceira idade. Xubila a Fraga co teu voto“).
OTPOR! ten a mesma estratexia: mina-lo consenso (creado por Milosevic neste caso) e amosa-la realidade do país.
Ó fin, no que se basaron ambas iniciativas foi en construi-la narración necesaria para facer ver o que era evidente. Así de fácil e de complexo. E ambos gañaron porque nesta loita superaron ó seu rival na construción de identidade, e polo tanto, de lexitimidade.
Déixovos agora cun video da historia de OTPOR! (35 minutos)… realmente maravilloso.