2008: o ano do software libre

A raíz dun comentario do señor Carreira doume conta de que teño este blog en suspensión. O proceso foi progresivo, sen grandes aspaventos. A fenda dixital (aínda que como nos recorda este domingo Castells é principalmente educativa) tamén me afectou, pois non ter internet no fogar tamén retarda o proceso de lectura-escritura de posts no blog. Lento, pero non inexistente.
Unido a esto está a distancia. As conversas co señor Puga na cafetería de teleco sembraban as ganas de escribir e de montar empresas tan necesarias como pouco tendentes a estar nos primeiros rankings da web 2.0 😉
Mais, principalmente, o proceso de suspensión sucedeu porque a día de hoxe outros proxectos acaparan toda a miña atención. Paso os días relendo (e tamén re-escribindo). Estou en “modo esponxa“: absorvo todo o que podo dos que máis saben. E tamén hai cidades que merecen ser vividas off-line, como polo momento me sucede con Coruña. Será que son recén chegado.
Sexa como sexa o 2008 creo que será máis do mesmo destes últimos meses: máis e máis software libre. Ler, pensar, escribir e programar son as tarefas que ocuparan o meu tempo este ano. Porque o 2008, será para min o ano do software libre.


Posted

in

, , ,

by

Tags:

Comments

3 responses to “2008: o ano do software libre”

  1. fpuga Avatar

    Agradécese a referencia, ti tamén es un inspirador 🙂
    Supoño que tódalas cousas teñen un ciclo, e as veces, o máis importante é identificar que estás en época de cambio para acertar coa estratexía (¿ou era táctica?) máis adecuada a ese momento, centrarse e obter o que realmente te faga feliz. E ti, vas por bo camiño.

  2. Andrés Avatar

    Gracias neno! xD Na Coruña bótaseche de menos.

  3. peregrinodelasrias Avatar

    Te acabo de enlaazar desde mi blog, por el articulín de Manuel Castells.
    http://peregrinodelasrias.wordpress.com/2008/01/09/internet-aislamiento-control/
    Y por cierto, la palabra anti-spam que me piden escribir para aceptar este comentario, es precisamente “jazz”. ¿Es casualidad? 🙂

Leave a Reply

Your email address will not be published. Required fields are marked *

%d bloggers like this: